“Святло стваральнага пісьменства” – гэта назва мерапрыемства, якое правяла  для вучняў 8 “Б” класса Дзмітруковіч Вольга Фёдараўна ў Дзіцячай бібліятэцы імя А. Лось. Падчас віртуальнага падарожжа васьмікласнікі пабывалі ажно ў Х стагодзі: пазнаёміліся з рукапісамі, іх асаблівасцямі. Узноўлены былі веды пра нашых гістарычных дзеячаў: Е.Полацкую, К.Тураўскага, С.Полацкага, Ф.Скарыну. Цікавасць да мінулага, да сваіх каранёў, да сваёй спадчыны можна было ўбачыць на тварах слухачоў. Мерапрыемства садзейнічала ўсведамленню навучэнцамі прыналежнасці да беларускага народа, фарміраванню адказнасці і гатоўнасці дзейнічаць на карысць сваёй Айчыне, выхаванню павагі да гісторыі Беларусі.

Выхаванню спрадвечных жыццёвых каштоўнасцей садзейнічаюць урокі беларускай літаратуры, заняткі аб’яднання па інтарэсах “Купалінка” на базе этнаграфічнага кутка “Беларуская хатка”. Апавяданне Змітрака Бядулі “На Каляды к сыну”  выхоўвае  ў навучэнцаў пачуццё адказнасці за састарэлых бацькоў.  Сямікласнікі змаглі дакрануцца да крыніц народнай мудрасці і маралі, а таксама прадэманстраваць свае творчыя здольнасці.