Цудоўная традыцыя існуе ў гімназіі: ганаровая цырымонія ўзнагароджвання пераможцаў і прызёраў прадметных алімпіяд, навукова-практычных канферэнцый і інтэлектуальных конкурсаў “Нашы інтэлектуалы”. На гэты раз яна праходзіла пад дэвізам “Гімназічны трыумф – 2022!”

Падчас цырымоніі вучні запрашаліся заняць ганаровае месца на сцэне гімназіі ў намінацыях:

“Трыумф розуму і таленту” – гэта тыя, хто стаў пераможцам абласных алімпіяд і навукова-практычных канферэнцый;

”Трыумфальны старт” – вучні 3-4 класаў, якія паказалі высокія рэзультаты на 2 этапе рэспубліканскіх алімпіяд;

“Трыумф эрудытаў” – гімназісты, што выдатна разбіраюцца ў дакладных навуках: матэматыцы і фізіцы;

“Трыумф пазнання і творчасці” – знаўцы рускай і беларускай моў і літаратур;

“ Трыумф навукі” – гэтая намінацыя аб’яднала тых, хто ведае на выдатна геаграфію, біялогію,астраномію, гісторыю;

“Трыумф мовы і слова” – знаўцы замежных моў;

“Трыумф сілы і спрыту” – вучні, што сталі пераможцамі 2 этапу рэспубліканскай алімпіяды па фізічнай культуры і здароўю, па здароваму ладу жыцця.

І самая пачэсная намінацыя   “Трыумф мудрасці”, пераможцамі якой сталі настаўнікі гімназіі.

 У адрас намінантаў гучалі словы падзякі, пажаданні, а таксама музычныя віншаванні.

У гімназічную скарбонку пакладзена 58 дыпломаў. Спадзяёмся, што наступны навучальны год будзе яшчэ больш “ураджайным”.