“Азбука чытатча” – жывыя чытанні, якія прайшлі па старонках сучаснай беларускай літаратуры. Мы даведаліся, што апошнім часам многа выдаецца літаратурных твораў для падлеткаў. Праблемы, якія тлумачацца ў творах , вельмі актуальныя: родны край, экалогія, бацькі і дзеці, сямейныя драмы, правапарушэнні…
Мы гімназітсы, чарговы раз праверылі сябе ў веданні абавязкаў і правоў, пазнаёміліся з паняццямі “закон”, “правілы”, гаварылі пра такія якасці, як дабрыня, павага, талерантнасць. Нашы ўчынкі – гэта радасць або слезы блізкіх людей. Мы павінны првяраць свае ўчынкі з веданнем:ці не прынясём мы зла, непрыемнасцей. Рабіць трэба так, каб людзям, што нас акружаюць, было добра. У гульні прынялі ўдзел 4 каманды. Наша стала пераможцай.
Сёння на занятку мы гаварылі пра тое, што з’яўляецца вельмі важным у жыцці кожнага чалавека. Даведаліся мы гэта, калі адгадалі загадкі і вырашылі крыжаванку. Прафесія – гэта асноўны занятак чалавека. Для таго, каб асвоіць якую-небудзь прафесію, трэба абавязкова скончыць школу, затым вучыцца ў ліцэі, каледжы, універсітэце. Кожны чалавек павінен працаваць, бо без працы нельга пражыць. Праца была, ёсць і будзе асновай жыцця на зямлі. Праца прыносіць чалавеку радасць. Праца займае вялікае месца ў жыцці. Дзякуючы працы людзей багацее краіна.
Прэзентацыя “Каб любіць Беларусь нашу мілую…” прайшла ў этнаграфічным кутку “Беларуская хатка”. Вучні знаёміліся з побытам і традыцыямі беларускага народа, з вераваннямі, з відамі арнаменту на адзенні. Таксама сямікласнікі даведаліся, як раней адбельвалі тканіну і як называецца тканіна вышэйшага гатунку. Дзяўчаты паспрабавалі нават сябе ў ролі гаспадынь.
На пляцоўцы СШ №3 прайшла квэст-гульня “Летнія забавы”, у якой удзел прынялі вучні гарадскіх школ. Усяго было 7 каманд. Удзельнікам было прапанавана знайсці аб’екты, што знаходзіліся на тэрыторыі школы і сфатаграфаваць іх. Наша каманда справілася з заданнем, хоць і давялося паблукаць, каб знайсці адзін аб’ект, які нагадваў пальму. Другі этап спаборніцтваў уяўляў падарожжа па станцыях, дзе патрэбна было набраць як мага болей балаў і атрымаць код. У выніку расшыфроўкі ў нас атрымалася фраза: “ У адзінстве народа – сіла незалежнай дзяржавы!”. А самае галоўнае – перамога нашай каманды! Мы атрымалі не толькі задавальненне, але і памятныя падарункі, а таксама салодкія прызы.
З мэтай пашырэння ведаў вучняў пра свой родны край, развіцця вобразнага і лагічнага мыслення, выхавання пачуцця любові да зямлі бацькоў, беларускага краю была праведзена гульня паміж камандамі “Рамонак” і “Бурштын”. Капітан закрэсліваў кружок з “павуціны”, а настаўнік зачытваў пытанне. Усяго было 6 тэм і 37 пытанняў. Пад некаторымі нумарамі быў схаваны “павук” – пераход ходу; “жамчужына” – каманда атрымлівала 1 бал і прадаўжала гульню; “кропля” – змывала ўсе набраныя да гэтага балы. Гульня праўшла хутка і цікава.
Цікава і пазнавальна прайшло мерапрыемства, якое было накіравана на падтрыманне цікавасці да беларускай мовы і літаратуры, фарміраванне нацыянальнай свядомасці асобы, развіваццё моўнай культуру. Гульня пачалася з размінкі: кожнай камандзе было зададзена па 5 пытанняў. Першы конкурс называўся “ Спрыт, знаходлівасць і розум” Для таго, каб дастаць заданне, неабходна было да такой ступені надзьмуць шарык, каб ён лопнуў. Каманда, якая здабывала лісток з заданнем і выконвала яго першай і правільна, была пераможцай. Усяго было пяць конкурсаў, падчас якіх вучні паказалі веды па фразеалогіі, лексічным знаэнні слоў, міфалогіі. Гульня закончылася пажаданнямі дабра і радасці.
Экспазіцыя, якая размешчана ў этнаграфічным кутку “Беларуская хатка”, прысвечана побыту беларусаў. На жаль, час ідзе вельмі хутка, а мы забываем многае з нашай гісторыі. Але напамінам пра жыццё нашых продкаў якраз і з’явілася падарожжа, якое прайшло ў форме гульні. Удзельнікі падарожжа пазнаёміліся з прыладамі, якімі апрацоўвалі лён. Таксама даведаліся, чаму раней абавязковым быў пояс як для жанчын, так і для мужчын. А раз гэта была гульня, то адпаведна былі і пераможцы.
